Беше бисер на овој дел од Балканот, сега оди на продажба: Познатиот трговски центар заврши на аукција, а почетната цена беше многу пати пониска од инвестицијата

пред 6 дена 1

ARTICLE AD BOX

Трговскиот центар „Роузес дизајнерски аутлет“, кој некогаш беше замислен како шопинг-мека на северозападна Хрватска, заврши на аукција поради долг од 12,02 милиони евра. Центарот, отворен во 2008 година, од самиот почеток се соочуваше со проблеми, а во последните години бројот на продавници што работеа во него драстично се намали.

„Уникредит банка Австрија“ покрена постапка за извршување против сопственичката на центарот, компанијата „Роузес унус“, поради кредит обезбеден со хипотека, пишува хрватскиот „Форбс“. Вредноста на имотот се проценува на 13,95 милиони евра, додека почетната цена на аукцијата закажана за 4 ноември ќе изнесува 11,16 милиони евра.

Згради, паркинг, пат и трафостаници исто така се на продажба

Предмет на аукцијата не е само трговскиот центар. На продажба ќе бидат понудени вкупно 17 деловни згради, двор и паркинг, како и ливади, трафостаници и пристапен пат. Доколку не се појави купувач на првата аукција, почетната цена на следната аукција ќе се намали за една петина.

Во проектот беа инвестирани околу 50 милиони евра

Модниот аутлет „Роузес“ беше лансиран како прв аутлет-центар во Хрватска. Зад проектот стоеше австриската групација „Дејленд“, чија членка е компанијата „Роузес унус“.

Првично, плановите беа многу поголеми. Во првата фаза, центарот требаше да има до 100 продавници, а беше планирано и понатамошно проширување. Според тогашните податоци, „Дејленд“ инвестираше околу 50 милиони евра во проектот.

Сепак, проблемите се појавија речиси веднаш. По отворањето во ноември 2008 година, економската инспекција го затвори центарот бидејќи дел од продавниците не ги исполнуваа ниту минималните технички услови. Тој повторно беше отворен веќе во декември, но тогаш се појавија и првите информации за проблеми со финансирањето.

Помалку купувачи од очекуваното

Посетите од самиот почеток не го достигнаа нивото што го очекуваа инвеститорите, а во текот на последните години бројот на продавници што останаа отворени постојано се намалуваше.

Како начин да се најде нова намена за целиот комплекс се споменуваше и негова целосна трансформација, но тие планови, според хрватскиот „Форбс“, не се реализираа. Сега новиот сопственик ќе се бара преку аукција.

Блиц.рс