(ВИДЕО) Пожар „проголта“ куќи во Албанија

Пожар уништи куќи во Албанија. 

Голем шумски пожар синоќа избувнал на територијата на општина Химара, на албанското крајбрежје. Поради силниот ветер, огнот брзо се проширил и го загрозил околното подрачје и неколку куќи, јавува дописникот на „Топ чанел“, Микел Марси.

Досега е пријавено дека пожарот целосно уништил шест куќи. Три од нив биле населени, а три биле празни.

Како што се ширел огнот, неколку жители и туристи биле принудени да ги напуштат домовите и објектите во кои престојувале и да се упатат на побезбедни места. Според првичните информации, нема повредени.

 Околу 2 часот по полноќ избувнал пожар и во уште една куќа, што дополнително ја зголемило паниката меѓу семејствата што живеат во областа.

Големиот пожар предизвикал значителна материјална штета, а пожарникарите продолжуваат со напорите за ставање на огнот под контрола и негово гаснење.

Пожар избувнал и во областа Фиер, каде што пламените јазици брзо се прошириле кон Леван, Пештан и кон Вогел, зафаќајќи маслинови насади, борови шуми, грмушки и објекти. Поради приближувањето на огнот кон населените места, според првичните медиумски извештаи, околу 15 семејства биле евакуирани.

Ова лето пожари имаше во Србија, Грција, Хрватска, Турција, Франција, Шпанија. 

foto printskrin

Agjencia për Media dhe Informim sapo ka dhënë alarmin
THIRRJE URGJENTE PËR EVAKUIM
për Himarën.
Urgjente është situata edhe në fshatrat e Fierit, Levan, me disa shtëpi të djegura... @ediramaal o plehr, po të akuzojnë ty për mos reagim në kohë. pic.twitter.com/d4ve5N0g0G

— zë (@ilirisht) September 4, 2026