Во Скопје пак мириса на чад, Ангелов кажа кои се најголемите жаришта

Добивај вести на Viber

Во Скопје вечерва пак не се дише од огнот на косовската граница. 

Во делови од Скопје и вечерва се чувствува силна миризба на чад, кој ветрот го носи од големиот шумски пожар на границата кон Косово, кај селото Грачани. Пожарот има огнена линија долга неколку километри.

Директорот на Дирекцијата за заштита и спасување(ДЗС), Стојанче Ангелов, информираше дека овој пожар е меѓу приоритетните жаришта за кои се ангажирани екипи на терен во моментов.

Во текот на денот во гаснењето се вклучени пожарникари и тимови на ДЗС, а обезбедена е и воздушна поддршка. Поради тешко пристапниот терен, интервенцијата на одредени делови од огнената линија е отежната.

Центарот за управување со кризи(ЦУК) соопшти дека до 18 часот денеска биле регистрирани 23 пожари на отворен простор, од кои осум биле активни.

фото принтскрин

Можеби ќе ве интересира