ФАКТОР НА ДЕНОТ: Има сомнежи дека некој намерно ја пали шумата во Градско

пред 9 часа 1

ARTICLE AD BOX

ИМА СОМНЕЖИ ДЕКА НАМЕРНО СЕ ПАЛИ ВО ГРАДСКО

Директорот на Дирекцијата за заштита и спасување(ДЗС), Стојанче Ангелов, вечерва изјави дека пожарот во планинскиот дел над селото Ногаевци, во Општина Градско, е тежок шумски пожар, кој делумно се движи низ борова шума.

Ангелов соопшти дека поради обидот да се намали пожарот биле пренасочени два авиони „Ер трактор“, кои дејствувале на теренот. Во гаснењето учествуваат и пожарникари од Велес, како и тимови на Дирекцијата за заштита и спасување со „пинсгауери“. Ангелов во изјавата посочи дека пред да пристигне на местото, разговарал со неколку жители на Ногаевци, кои му кажале дека во изминатите неколку дена пожарот наводно бил предизвикуван во неколку наврати.

Во Скопје пак мириса на чад од пожарот кај косовската граница.

MAКЕДОНИЈА ОД УТРЕ ЌЕ БИДЕ ВО ПОРТОКАЛОВА ФАЗА

УХМР предупредува на високи температури. Доаѓа портокалова фаза на територијата на цела Македонија.

Управата за хидрометеоролошки работи попладнево објави портокалов метеоаларм за утре, 6 септември, за територијата на целата држава.

Времето ќе биде сончево и топло со мала до умерена локална облачност. Ќе дува засилен ветер од северозападен правец, кој наместа, особено долж Повардарието, ќе достигнува брзина од 60 км на час. Минималната температура ќе биде во интервал од 12 до 21, а максималната ќе достигне од 30 до 37 степени.

МИЦКОСКИ КАЖА КОЛКАВ РАСТ НА БДП ОЧЕКУВА

Премиерот Христијан Мицкоски вели дека до крајот на годината се очекува раст на БДП меѓу 3,5 и 4 отсто.

Очекувањата, како што наведе се во услови кога светот ја има најголемата енергетска криза којашто ја памети човештвото.

„Во вториот квартал има исклучително силна економска активност во Македонија. Убедливо најголема во регионот. Сѐ уште не се познати податоците за Грција, Косово и Албанија, но споредено со сите држави во регионот, од Турција преку Бугарија, Романија, Србија, БиХ, Црна Гора, Хрватска и така натаму, имаме убедливо најголем раст, и не само во вториот квартал, туку и во првото полугодие од годината“, изјави Мицкоски.

ПОЛИЦИЈАТА УАПСИ РОМАНЕЦ ЗАТОА ШТО ВОЗЕЛ МНОГУ БРЗО

Полицијата уапси Романец на граничниот премин Табановце затоа што возел со 163 километри на час, на место каде било дозволено до 80 километри на час.

Од полицијата соопштија дека вчера во 11:20 часот, на Табановце, на излез од државата, полицајците го уапсиле Х.В.С.(49) од Романија, откако при проверка на возилото „ауди“ со романски национални ознаки, кое тој го возел, преку системот „Безбеден град“ е констатирано дека е евидентиран како сторител на кривично дело „безобѕирно управување со моторно возило“.

Вчера во 06:30 часот, на автопатот А1 во близина на Демир Капија, Х.В.С. управувал со возилото со брзина од 163 километри на час, на место каде максимално дозволената брзина изнесува 80 километри на час.

фото принтскрин ДЗС