Што се случи со цената на нафтата на неделно ниво?

Добивај вести на Viber

На неделно ниво се зголеми цената на нафтата.

Цената на суровата нафта Брент денеска малку се намали под влијание на тензиите меѓу САД и Иран, на околу 95 долари за барел, но на неделно ниво се зголеми за речиси осум проценти, што е највисоко од средината на јули.

Американската сурова нафта се тргуваше за околу 90 долари за барел, со неделен раст од речиси девет проценти,  најизразен од средината на јули, објави „Трејдинг економикс“.

Меѓусебните напади меѓу САД и Иран се обновија оваа недела за прв пат по околу еден месец, повторно разгорувајќи ги стравувањата од прекини во снабдувањето со нафта.

Расположението на пазарот беше под влијание и на предупредувањата на Израел дека тоа ќе ја „онеспособи“ воената и цивилната инфраструктура на Иран.

Американскиот потпретседател Џеј ди Венс изјави во четврток дека Вашингтон не планира да преговара со Техеран додека Иран не престане да напаѓа комерцијален брод во Ормутскиот теснец. 

Иранските власти тврдат дека ја заобиколиле американската поморска блокада. 

foto Gemini

Можеби ќе ве интересира