(ВИДЕО) Русија го гаѓаше седиштето на украинската тајна служба, а Зеленски вети одмазда

Добивај вести на Viber

Русија го нападна Киев, а погодени се седиштето на украинската тајна служба и магацин на СЗО. Во нападот има повредени.

Руски дрон денеска го погодил седиштето на украинската Служба за безбедност (СБУ) во центарот на Киев, при што најмалку 12 луѓе се повредени, објави „Киев индепендент“.

Градоначалникот Виталиј Кличко соопшти дека е оштетена ненаселена зграда во областа Шевченкивски.

Украинскиот претседател Володимир Зеленски изјави дека дронот бил насочен кон канцеларијата на вршителот на должноста шеф на СБУ, Олександар Поклад.

СБУ потврди дека канцеларијата на Поклад била намерно погодена, но дека нападот не ја постигнал целта бидејќи тој не бил повреден. Од службата порачаа дека „Русите ќе добијат болен одговор на нивните удари“.

„На Поклад му дадов задача соодветнои, ако е можно, симетрично да одговори на овој руски напад штом сè биде подготвено“, изјави Зеленски.

Подоцна Зеленски соопшти дека Украина ќе изврши одмазднички напади, а времето на нивното изведување ќе биде избрано „за максимален ефект“, откако Поклад го информирал за нападот.

Нападот се случил во близина на катедралата „Света Софија“, една од најпознатите историски знаменитости во центарот на Киев. Прекин на огнот може да има дури во 2027 година. Руската инвазија на Украина почна на 24 февруари во 2022 година. 

foto X

— Status-6 (War & Military News) (@Archer83Able) September 4, 2026

Можеби ќе ве интересира