Во кои европски земји има најмногу дебели луѓе?

Добивај вести на Viber

Малтежаните се најдебели во Европската Унија(ЕУ). 

Најмногу дебели луѓе има во Малта, каде што повеќе од една четвртина од населението е со прекумерна тежина. Следуваат Литванија (24,6 отсто) и Финска (23,2 отсто). Најмалку дебели има во Италија (7 отсто), Грција (12,8 отсто) и Романија (12,9 отсто).

Македонците се послаби од Европејците, односно во Европската Унија(ЕУ) 16,3 отсто од луѓето се дебели, во Македонија 15,4 отсто се дебели. 

Лани 16,3 отсто од луѓето во Европската Унија на возраст над 18 години биле дебели, што значи дека имале индекс на телесна маса од 30 или повисок. Дополнителни 35,4 отсто биле со индекс на телесна маса помеѓу 25 и 30. Генерално, повеќе од половина од населението на ЕУ било со прекумерна тежина, покажуваат податоците на Евростат.

Мажите во ЕУ се подебели од жените. Стапката на дебелина кај мажите е 17,4 отсто, а кај жените 15,3 отсто. Дополнително, 41,9 отсто од мажите биле со прекумерна тежина, во споредба со 29,3 отсто од жените. 

foto Gemini

Можеби ќе ве интересира