Радев ја брани Русија: Нели e неодговорно водечките европски земји да испраќаат свое оружје со долг дострел?

Добивај вести на Viber

Бугарскиот премиер Румен Радев ја брани Русија. 

„Нели e неодговорно водечките европски земји да испраќаат свое оружје со долг дострел, да напаѓаат илјадници километри длабоко на руска територија, оружје произведено во Европа, користејќи го преку информации од Европа и инструктори од Европа. Нели e и тоа неодговорно?“, изјави бугарскиот премиер Румен Радев во врска со случајот со дронот со експлозивна направа прикачена на него, пронајден до украински товарен авион на германскиот аеродром во Лајпциг, за бугарските медиуми, пренесува БГНЕС.

Според Радев, сепак, Бугарија сè уште не добила никакви конкретни податоци од службите што би ја потврдиле вмешаноста на Москва во случајот. Во исто време, тој истакна дека германските власти ги поврзуваат откритијата за дронот со Русија. 

„Врз основа на откритијата за овој дрон, се извлекува заклучок што води до руски хибриден напад“, додаде премиерот.

Радев го опиша случајот како „сложен“ и „крајно загрижувачки“ и рече дека сочувствува со проценката на претседателот на Европската комисија и генералниот секретар на НАТО, кои ги дефинираат постапките на Русија како „неодговорни“.

фото Фејсбук/Румен Радев

Можеби ќе ве интересира